Cubet en çò deus Tots Ronds

Chritian Merveille & Josse Goffin

Un àlbum taus mei joens suu tèma de la diferéncia. Papà e mamà Tots Ronds qu’an un mainat qui ne’us sembla pas : que s’apèra Cubet. Se los pairs e l’aiman, Cubet qu’ei estremat per la familha, peu vielh oncle Morganh e peus auts Tots Ronds deu son temps. Que s’i hè en de batles tà’s har desaparéisher los anglars. Dinc au dia quan se’n van passejar. Susprés per la nueit, los Tots Ronds qu’an paur, mes Cubet que luseish a l’escur e que poderà sauvar tot lo ligòt. Entà acceptar las diferéncias e las qualitats de cadun.

Los tres cosmonautas

Umberto Eco e Eugenio Carmi

LA BOMBA DEU GENERAU
Atòmes esmalits
que s’escapan de la bomba
qu’un generau s’aprèsta a lançar…
LOS TRES COSMONAUTAS
Tres cosmonautas guaire rassegurats
qu’encontran un Marcian
pas tan maishant…
LOS GNÒMES DE GNO
Un emperaire pretensiós
que vòu portar la civilizacion
sus un planetòt tranquillòt…

Umberto Eco, l’autor deu celèbre Nom de l’arròsa
e Eugenio Carmi, un pintre de renom internacionau,
qu’an ligat lo lor art en aquestes tres contes
filosofics e economics,
a descobrir e a apreciar a tot atge.

De manta e de mordics 1

Ayroles e Masbou

Que s'ageish de la revirada deu purmèr tòme de la famosa benda d'imatges de Ayroles e Masbou « De cape et de crocs ».
A bòrd d'un vaishèth turc, un arcòt. Dens l'arcòt, un escrin, dens l'escrin, ua botelha, dens la botelha, ua mapa, e sus aquera mapa… l'emplaçament deu fabulós tesaur de las islas Tangerinas?!… Ne’n cau pas mei a dus braves gentilòmis, fins espadaires, batalhèrs e rimassejaires, entà aborrí's en ua aventura qui, de jaulas en galèras, e'us miarà dinc a las termièras deu monde.