Presentacion

Dens lo menut "Escòla a casa en occitan" (a esquerra deu telon), aquestes articles que balharàn ligams d'activitats possibles, en occitan, taus mainats.

Paret de mutualizacion taus regents

LEXIC en LINHA

Un pair d'escolan de l'escòla de Maseròlas que vien d'apitar ua pagina tela dab un lexic escriut e audio en occitan. 

Lo lexic qu'aperam "Lo Simonin", deu nom deu son creator, qu'ei tot juste aviat e qu'ei enqüèra en construccion mes que's pòt emplegar.

Regents de l'escòla, qu'avem perpausat tèmis e balhat la nosta votz taus mots. Qu'ei aisit d'emplec en classa com a casa : que suffeish de picar sus un imatge e lo mot qu'ei prononciat.

Diferentas activitats que pòden estar perpausadas :

- Qu'escoti, que muishi a l'entorn de jo en tot díser lo nom "qu'ei ..." e que validi en espiar l'imatge deu lexic

- Qu'espii l'imatge, que muishi a l'entorn de jo, que disi lo nom e que validi en escotar lo lexic.

- Taus mei grans, que compausi frasas dab un, dus, tres o quate mots deu lexic.

- Etc.

Initiacion a la lenga e la cultura occitanas

Maleta apitada per
las conselhèras pedagogicas deu 65, ua caminaira, Canopé 65 e l'IEN en carga duu dossièr dens lo 65.